सल्यानमा जिप दुर्घटना दुईकाे मृत्युु १६ घाईते

सल्यान, १३ असोज । सल्यानमा जीप दुर्घटना हुँदा दुई जनाको ज्यान गएको छ भने अन्य १७ जना घाइते भएका छन् । जीप दुर्घटनामा शारदा नगरपालिका–१२ तिमिलेकी ७६ वर्षीया धुर्बी बोहरा र शारदा नगरपालिका–१५ बरलाकी ४५ वर्षीया मुना सेजवालको ज्यान गएको जिल्ला प्रहरी कार्यालय सल्यानका सूचना अधिकारी गोपाल श्रेष्ठले जानकारी दिएकाछन् । प्रहरी अनुसार हिजो शुक्रवार छत्रेश्वरी गाउँपालिका–५ लेखपोखरबाट शारदा नगरपालिका–१२ कागखोला जाँदै गरेको लु १ ज १८६१ नम्बरको जीप छत्रेश्वरी–५ तिर्पोलेमा दुर्घटना भएको हो । दुर्घटनामा परि गम्भीर घाइते भएका सेजवाल र बोहरालाई उपचारका लागि जिल्ला अस्पताल सल्यान लैजादै गर्दा बाटैमा मृत्यु भएको प्रहरीले जनाएको छ । घाईतेहरुकाे थप विवरण आउन बाँकी ।