तुलसीपुरमा टिप्परसँग मोटरसाइकल ठोक्किदा १ जना गम्भिर घाइते

तुलसीपुर, १५ असार ।  दाङको तुलसीपुरमा टिप्परसँग मोटरसाइकल ठोक्किदा १ जना गम्भिर घाइते भएका छन् । घाइते हुनेमा घोराही–१० बासबजेरीका २० वर्षीय आशिष खड्का रहेको इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक प्रकाश थापाले जानकारी दिनुभएकाेछ । उहाँका अनुसार तुलसीपुरबाट घोराहीतर्फ जादै गरेको रा १ ख १५३० नम्बरको टिप्पर तुलसीपुर–१८ दुधरास पेट्रोल पम्पमा तेल हाल्न जाने क्रममा सोही दिशातर्फ जादै गरेको रा ८ प २९५८ नम्बरको मोटरसाइकल पछाडीबाट ठोक्किन जादा दुर्घटना भएको हो । दुर्घटनामा परी गम्भिर घाइते भएका खड्काको राप्ती प्रादेशिक अस्पतालमा सामान्य उपचारपछी थप उपचारका लागि नेपालगञ्ज रिफर गरिएको प्रहरीले जनाएको छ । दुबै सवारीसाधन नियन्त्रणमा लिएको र टिप्पर चालक फरार रहेता पनि खोजी कार्य तिब्र पारिएपछि  दाङ घोराही- ३ वर्ष २४ को कुमार सिंह घर्ति १८:०० बजे पक्राउ गरिएको  इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक  थापाले जानकारी दिनुभएकाे हाे ।