थर्कोट समाचारदाता
सल्यान ०९ फागुन
बुधबार साँझपख परेको चट्याङको कारण छत्रेश्वरी गाउँपालिकामा ४ जना घाइते भएको छत्रेश्वरी गाउँपालिकाका १३ का वडा अध्यक्ष जंग बहादुर बुढाले जानकारी दिनुभएको छ । यसरी घाईते हुनेहरूमा छत्रेश्वरी गाउँपालिका वडा नं ५ तिर्थपोले बस्ने शारदा नगरपालिका वडा नं १३ चलाउनेपानीका देवीलाल वस्नेतका १३ वर्षिय छोरा सुनिल वस्नेत, टिकाराम वस्नेतकी छोरी १७ वर्षिया जानकी वस्नेत गम्भीर घाइते हुनुभएको र उहाँहरुलाई शानपा १३ का वडा अध्यक्ष जंग बहादुर बुढा र अस्थायी प्रहरी पोस्ट स्यानीखालको टोलीले उद्धार गरेर उपचारको लागि जिल्ला अस्पताल सल्यान पठाएको छत्रेश्वरी गाउँपालिकाका प्रवक्ता तथा छत्रेश्वरी ५ का वडा अध्यक्ष फौद बहादुर बस्नेतले जानकारी दिनुभएको छ । चट्याङको कारण मनिसा बुढाथोकी र शुसिल बुढाथोकी पनि सामान्य घाइते हुनुहुन्छ । आज साँझ करिव पौने ८ बजेतीर उक्त घटना भएको बताइएको छ ।पालिकाले छत्रेश्वरीमा विपदबाट कुनै समस्या परेको भए ९८४१५९५११२ प्रवक्ता फौद बहादुुर बस्नेतमा सम्पर्क गर्न अनुरोध गर्दै घाइतेहरूको शिघ्र स्वास्थ्य लाभको कामना पनि गरेको छ।
