सकियो दशैं बिदा, आजदेखि सरकारी कार्यालय सञ्चालनमा आउँदै

दाङ, १० कार्तिक । दशैँको बिदामा बन्द रहेका सरकारी कार्यालय आजदेखि खुल्ने भएका छन् । कार्तिक ५ गते फूलपातीदेखि बन्द भएका सरकारी कार्यालय ६ दिने दशैं बिदा सकिएसँगै आजबाट खुल्न लागेका हुन् । दशैं बिदा सकिएसँगै विभिन्न जिल्ला तथा गाउँबाट कर्मथलो फर्कनेहरुको संख्या बढेको छ । दशैं विदाको अन्त्यसँगै बजारहरुमा चहलपहल बढेको छ । आजदेखि सबै सरकारी कार्यालय लगायत बैंक तथा वित्तीय संस्थाहरु खुला रहनेछन् । आज १० बजे कार्यालय आउनेहरु बिहिबार नै गन्तब्यमा पुगिसकेका छन् । विशेष गरी बसाईसराई, नोकरी र अध्ययन लगायत विभिन्न सिलसिलामा आफ्नो पुख्र्यौली थलो बाहिर रहेकाहरु दशैं मनाउँन घर फर्कने गर्दछन् ।