दोर्ण के.सी.
तुलसीपुर १४ असार
क्षयरोग मुक्त नेपाल अभियान वडा स्तरीय समिति गठन तथा दुई दिने सुक्ष्म योजना तर्जुमा कार्यक्रम तुलसीपुर–३ डाँडाखुट्टीमा बुधबारदेखि सुरू भएको छ ।
हाम्रो तुलसीपुर राम्रो तुलसीपुर खुशी जनता समृद्व तुलसीपुर, हो हामी क्षयरोग अन्त्य गर्छैं भन्ने मुल नाराका साथ सुरूभएको सो कार्यक्रममा प्रत्येक विद्यालयका प्रधानाध्यापक, वडा सदस्यहरू, बुद्विजीवि, विभिन्न टोल बिकास संस्थाका अध्यक्षहरू, पत्रकार लगायतको सहभागिता रहेको थियो । तुलसीपुर उपमहनगरपालिकाकी महिला वडा सदस्य शान्ता रानाको अध्यक्षतामा सुरूभएको सो प्रशिक्षण कार्यक्रमले तुलसीपुर उपमहानगरपालिका ३ नं. वडाका वडा अध्यक्ष बिर बहादुर बि.क. (बिजय) को संयोजकत्वमा २४ सदसीय क्षयरोग मुक्त नेपाल अभियान वडा स्तरीय समिति गठन गरिएको छ । कार्यक्रममा प्रतापकोट नगर स्वास्थ्य केन्द्र तुलसीपुर–३ प्रतापकोटका कार्यालय प्रमुख बसन्त वलीको स्वागत मन्तव्य रहेको कार्यक्रमको प्रशिक्षण रानागाउ नगर स्वास्थ्य केन्द्रका कार्यालय प्रमुख जिवन खड्काले दिनुभएको थियो । 
