तुलसीपुर, १३ साउन । तुलसीपुर उपमहानगरपालिका – वडा नम्बर ११ ले सुत्केरीलाई भाले उपहार दिएको छ । वडा अध्यक्ष मानबहादुर रावतले छोरीको रुपमा पहिलो सन्तानलाई जन्मदिने तुलसीपुर– ११ हस्नापुर निवासी सुजाता खड्का र दोस्रो सन्तानको रुपमा छोरालाई जन्मदिने सोही वडाको बेलटाकुरा निवासी लक्ष्मी चौधरीलाई भोले उपहार दिनुभएको हो ।वडा अध्यक्ष रावतले सुत्केरी र बच्चाको स्वास्थ्य अवस्थाको विषयमा समेत जानकारी लिँदै सन्तानलाई जन्मदिने आमाबुबालाई समेत धन्यवाद ज्ञापन गर्नुभएको छ । वडा अध्यक्ष रावतले वडाका हरेक नागरिकसँग दुःख र सुख पर्दा सँगसँगै अभियान अन्तर्गत मृत्यु भएमा घिउ लगेर समवेदना प्रकट गर्न जाने र सुत्केरी हुँदा भाले उपहार दिने कार्यक्रम यस चालु आर्थिक वर्षदेखि सञ्चालन गर्ने घोषणा गर्नु भएको थियो ।
